[i 553]
DE LA VILLE DE PARIS.
237
dict est, son bonnet et acoustrement de teste les tenant en ses mains, nous auroit faict [la responce] que ensuyt, les larmes aux ieux :
" Je remercie la Ville de Paris et habitans d'icelle. "J'ay tousjours esle ct seray toute ma vie leur bon «voisin et amy, et le congnoislront tousjours par tt effect. "
"Et sur ce, nous aurions prins congé de luy; et à l'instant nous auroit faict rappeller, et auroit dict à moy, Greffier, que le Roy alloit faire sa Sainct Martin aud. lieu de Chantilly, et que je feisse quel­que chose particulierement qu'il m'avoit donné charge fere en ceste ville; ce que j'aurois faict à son gré et contentement."
CCCCXXVI. — Lettres à Monseigneur le Connestarle, portant creance.
6-8 novembre 1553. (A fol. 70 r°.)
Et le lundi vr0 jour de Novembre ensuivant, led. Greffier de la Ville feust envoyé de par lad. Ville aud. seigneur Connestable pour luy faire present de six demyes queues de vin d'Ay, quatre muys de vin cleret françois, et quatre muys de vin blanc de Seaulx; et à Madame la Connestable luy faire present de deux casses plaines de toutes sortes de confitures seiches et liquides, dragées, macepins de toutes sortes, avec lettre dont la teneur ensuit :
(A fol. 70 r°; B fol. 247 r0)1". Monseigneur, "Estant de retour par deçà, nous avons faict en­tendre le bon recueil qu'il vous auroit pleu nous faire et les honnestes propos dont il vous auroit pleu aussi user envers nous, continuant la bonne volunté ct affection que vous avez tousjours par effect demonstrée à ceulx de ceste Ville, et tout ce qu'il peult concerner les affaires d'icelle; et n'avons pas oublié à dire comme les choses estoient si bien venues à propos que nous ayons trouvé le Roy en vostre maison vous estant venu voir pour vous con­soler et congratuller de la bonne santé qu'il auroit pleu à Nostre Seigneur vous renvoyer d'une si. grande, si extreme et si désespérée maladie en la­quelle avoit permis que vous l'eussiez tumbe, pour monstrer combien il vous aymoit et combien en vostre personne il favorisoit et voulloit garder et prandre en sa protection les affaires du Roy, du Royaulme et de toute la chose publique Chrestienne. Nous avons esté et sommes grandement chargez de vous remercier trés humblement du bien et honneur que vous nous avez faict, pareillement à tous ceulx de ceste Ville representez par nous; ce que nous faisons par la presente, et d'abondant avons envoyé et envoyons expressement par devers vous nostre Greffier present porteur, lequel il vous plaira croire
comme nous mesmes, ct auquel il vous plaira com­mander que vous aurez en volunté estre faict par nous, car nous prandrons à ung merveilleux grant heur si, pour l'honneur de vous, povons faire chose qui vous puisse estre agreable. Monseigneur,
"Nous prirons Nostre Createur vous donner sa grace et en santé bonne el longue vie.
"A Paris, ce vie jour de Novembre v° lui.
n Voz trés humbles obeyssans serviteurs.
"Les Prevost des Marchans et Eschevins de la Viile de Paris."
(A fol. 70 v°.)
Led. Sgr demanda, en luy présentant lesd, lettres par led. Greffier, s'il y avoit creance; lequel feist responce que oy. Et luy dit led. Greffier :
Present à Monseigneur le Connestable.
Monseigneur, "Mess™ les Prevost des Marchans et Eschevins de la Ville de Paris se recommandent trés humblement à vostre bonne grace, et eulx representans tout le Corps de lad. Ville, vous asseurent que tout le desir et l'affection qu'ilz ont, c'est de vous obeyr et faire chose qui vous soit agreable. Et pour ce, s'il y a chose en quoy ilz vous puissent faire service, ilz. vous prient, de le commander pour les en advertir; ilz m'ont donné charge envoyer à vostre chasteau d'Escouen six demyes queues de vin d'Ay, quatre muys devin cleret français, et quatre muys de vin blanc de Sçauix, qui est bon vin et bien choisy, dont ilz vous font present.
Monseigneur , "Le peuple de Paris vous ayme, honore et revère;
(1) Rubrique de B : Lettres escriptes de par la Ville aud. s' Connestable, dont la teneur ensuyt.